O baloncesto galego ten unha cita en Lalín: Partido benéfico en apoio a ASPADEZA.

O sábado 21 de decembro, o Pavillón Municipal de Lalín será o escenario dun partido moi especial que unirá deporte, educación, cultura e solidariedade.
Organizado polo club Basketdeza. Este evento busca impulsar o deporte e apoiar o importante labor da Asociación Aspadeza, que traballa a prol das persoas con discapacidade intelectual na comarca do Deza. Unha mañá chea de diversión e valores. O partido solidario, que comezará ás 13:00 horas, enfrontará a dous equipos liderados polos conselleiros da Xunta de Galicia: o lalinense Román Rodríguez, titular da Consellería de Educación, Ciencia, Universidades y Formación Profesional, e José López, Conselleiro de Cultura Lingua e Xuventude que é natural da Estrada. A súa participación engade un toque de nostalxia e emoción, xa que ambos foron xogadores de baloncesto na súa mocidade e viviron intensos enfrontamentos como rivais na cancha. O evento contará tamén cunha presenza destacada do presidente da Federación Galega de Baloncesto, Julio Bernárdez Álvarez, quen estará presente para apoiar esta iniciativa e reforzar o compromiso coa solidariedade e co baloncesto na nosa terra. Os equipos estarán formados por personalidades do mundo da cultura, do deporte e da educación. Caras moi coñecidas do mundo da televisión que prometen ofrecer un espectáculo divertido e que iremos presentando ao longo dos vindeiros días.
A xornada deportiva comezará ás 11:00 horas, con actividades para todas as idades. Haberá partidos de 3×3, xogos para os máis pequenos, e moitas sorpresas e agasallos para a familia do baloncesto lalinense.
A recadación e a visibilidade do evento estarán destinadas a apoiar o traballo de Aspadeza, unha asociación que leva anos transformando a vida das persoas con discapacidade intelectual na comarca. O seu compromiso por promover a inclusión social, a formación e o benestar destas persoas é un exemplo de dedicación e solidariedade. “Desde Basketdeza, queremos resaltar que esta iniciativa non sería posible sen o apoio das institucións, dos seus representantes e de todos os asistentes, cuxa participación contribúe directamente a esta causa tan importante. Por iso animamos a todos os lalinenses e a todos os veciños da comarca a participar desta gran festa” Antonio Lamas presidente do Basketdeza. Este evento é unha oportunidade única para ver en acción figuras destacadas “de moita altura” e para desfrutar dunha xornada solidaria nunha contorna familiar e deportiva. Destacando a nova “fila cero”. Fernando Romay arbitrará este evento deportivo e solidario

O Club BASKETDEZA de Lalín celebrará o próximo sábado 21 de decembro un partido benéfico en apoio á Asociación Aspadeza, unha entidade que realiza un labor esencial no apoio ás persoas con discapacidade intelectual e ás súa familias. Nesta ocasión, a gran novidade é a posta en marcha da “fila cero”, unha iniciativa solidaria que permite colaborar coa causa adquirindo localidades especiais a pé de pista ou na grada por un prezo de 50€.
As localidades de fila cero poderanse reservar exclusivamente de maneira telefónica contactando coa directiva do club ou mediante o email directiva@basketdeza.com (A aportación deberá ingresarse na conta do Banco Santander nº ES 1400 4949 8911 2216 356 695, indicando “fila cero” e o nome da persoa). Toda a recadación obtida a través desta modalidade será destinada integramente á Asociación Aspadeza, contribuíndo directamente aos proxectos e actividades que desenvolven para mellorar a calidade de vida das persoas que atenden.
A entrada ao pavillón municipal de Lalín será de balde, e ao clube asallará a todos cun rifa numerada para participar nun sorteo dunha cesta de nadal con productos donados por Embutidos Lalinense. Polo que dende o Club BASKETDEZA anímanos toda a cidadanía a asistir e desfrutar dunha xornada deportiva e solidaria. Con todo, a fila cero preséntase como unha oportunidade única para aqueles que desexen achegarse de maneira especial á causa, contribuíndo cunha doazón directa e asegurando un asento a pé de pista ou na grada.
Ademais, temos o pracer de anunciar que o árbitro deste partido tan especial será Fernando Romay, ex xogador profesional de baloncesto do Real Madrid e da selección española é unha das figuras máis recoñecidas deste deporte a nivel nacional. A súa presenza engade un toque único e emocionante a esta xornada solidaria.
Dende o Club BASKETDEZA reiteramos o noso compromiso co deporte e coa solidariedade, convidando a todos a achegarse ao pavillon municipal de Lalín este sábado 21 de decembro.

Data do evento: Sábado, 21 de decembro de 2024
Lugar e hora: Pavillón Municipal de Lalín ás 13:00h
Entrada: De balde
Localidades fila cero: 50€ (reserva telefónica coa directiva do club)
Beneficiario: Asociación Aspadeza
Árbitro do partido: Fernando Romay